李佳芯謙虛聽批評自勉

日前李佳芯(Ali)作客TVB娛樂新聞台節目《StarTalk》，接受許文軒專訪，大談推出新書《心之所往》感受。她說：“我絕對唔係作家，以前讀書時作文都唔係特別叻，我只係想記錄一啲嘢，透過本書講下我嘅內心世界係點，會形成今日嘅我，所以我將由細到大我印象深刻嘅經歷都一一寫低，裏面啲故仔全部都係真人真事。”她又說：“我沖涼嘅時候特別多靈感，平時如果冇靈感，我會放低筆，去搵下嘢食，煮個麵同洗衫做運動，因為我係一個唔迫得嘅人，愈迫自己愈惗唔到嘢。”

談到入行後感受最深的事情，Ali說：“感恩自己做過咁多唔討好嘅角色，我拍劇做小三，我真係冇惗太多，全因為自己鍾意演戲，但原來觀眾好鍾意。初初唔識演戲，做完畀人鬧話我唔識做戲，雖然係咁但係我又好鍾意睇啲負面批評同留言，好似話我好多小動作同講嘢太快，如果有道理嘅批評我係會改同提醒自己。（登台唱歌被狠批感受深？）二○一七年元旦唱《小幸運》，我從來唔鍾意喺人面前唱歌，為了工作臨急抱佛腳去學，最終梗係唔得，之後竟然變成話題，依家我慢慢改善，都有繼續學唱歌，但每次上到台都係好緊張。”