新劇啜爆羅仲謙

張曦雯史上最多接吻戲

羅仲謙相隔四年再為無線拍劇集《木棘証人》，盛傳他是為了爭視帝，昨日他出席劇集宣傳活動時，否認想爭獎，又笑言自己只是陪襯，反而睇好拍檔張曦雯會得獎。此外張曦雯說，此劇是她入行以來最多啜嘴戲的一部，但羅仲謙說太太楊恬的吻戲經驗比他豐富。

張曦雯(Kelly)、羅仲謙、張秀文、韋家雄及徐榮等，昨日到將軍澳電視城出席劇集《木棘証人》“証人保護計劃”活動，眾演員以劇中造型亮相，並簽署証人保護協議，啟動証人保護計劃。羅仲謙說相隔四年再拍無線劇，自覺變化不大，但無線卻多了不少生力軍：“好似Kelly力捧緊，自己都幾好彩，好多時都同生力軍合作，有啲合作過就攞獎（你老婆楊怡？）佢係前輩喎。”

Kelly大讚羅仲謙是好前輩及好好的男主角，很照顧大家，合作得很開心。羅仲謙在劇中飾演便衣沙展，先後與飾演拜金女的張秀文及大律師的Kelly有感情線，Kelly透露劇中會有又打又鬧羅仲謙的戲份外，兩人更會有多場咀戲，她笑說：“呢套戲應該係我最多錫戲既一部，唔知點解！”問到羅仲謙會否讓太太楊怡睇他與張曦雯的親熱戲，他說：“有得唔畀咩？佢仲經驗豐富過我。”Kelly指劇中與羅仲謙會有兩個BB，她也是首次與BB合作拍戲，又爆羅仲謙一抱BB就狂喊不停。

Kelly說即將開拍《白色強人Ⅱ》，稍後另一齣劇《踩過界Ⅱ》亦會緊接《木》劇播出，是否想爭視后？她嫌虛說：“冇，一定唔會（羅仲謙旺女主角？），咁攞多次‘飛躍’獎啦。呢套劇係我去年喺美國讀完演技課程之後拍，希望大家睇到我有進步啦。”

有指羅仲謙拍無線劇為了爭視帝，他自言只是陪襯，之前曾有幾年提名“飛躍進步男藝員”，但從未得過獎。今年可有信心得獎？他說：“希望套劇口碑好，大家睇到開心就得，個人獎項反而睇得唔重，我將自己的運氣畀埋Kelly，（睇好Kelly得視后？）如果公司真係畀係一個鼓勵，推動做得到好，Kelly嚟緊播兩套劇都有唔同性格，可塑性好高。”