鄧麗欣自嘲變熒幕情侶

昨日是鄧麗欣卅七歲生日，過往每年歌迷都會舉辦生日會爲偶像慶生，可惜今年受疫情影響，未能如常舉行聯歡聚會。不過一班歌迷仍相當有心，適逢十月十一日是鄧麗欣自家茶飲店“1011 SIP TEA”的成立兩周年的大日子，特意在當日到沙田最新快閃店“野生捕獲”老闆娘鄧麗欣，順道爲壽星女預早慶祝。

提到與台灣男友丘勝翊（王子）分隔兩地，已有八個多月沒有見面，鄧麗欣感嘆只能透過視像慶生，名副其實是一對“熒幕情侶”：“今年佢四月生日我哋已經冇得見面，唯有視訊慶祝，我整咗個蛋糕喺熒幕前同佢慶生，唔知佢今次會唔會都系咁做呢？”她說要維繫遠距離戀愛是一門高深學問，秘訣是彼此的“信任”：“好多經歷過Long-D嘅朋友都明白，真係冇乜其他方法，只能每日互相分享自己嘅生活日常，大家信任程度高啲，即使彼此有距離，但個心嘅距離唔會太遠。”