趁被隔離期間創作新歌

何弘軒為港人打氣

歌手何弘軒早前趁入住隔離營期間，動手創作完成新歌，為確診新冠肺炎的母親及所有面對逆境及疫境的香港人打氣。多位藝人亦在何弘軒的新歌MV中拍片助陣，為他打氣。

何弘軒(Alan)母親今年七月確診新冠肺炎，他亦因而要入住隔離營。為了給母親及所有面對逆境及疫境的香港人打氣，何弘軒在隔離營親自作曲填詞《Don’t be Afraid》。他坦言創作過程十分順利，只需數小時便完工。他表示感激過程中獲不少好友力撐：“我同教會朋友講起呢隻歌，個個都覺得好有意義。所以當我話想佢哋幫手拍段片放落MV時，大家一口答應，好似陳敏之、關心妍、陳明恩等等。”

最令Alan意外及感動的，係郭晉安二話不說就應允。Alan說：“我同佢其實只係廿二年前合作過，我之前撞見返佢，同佢講開呢隻歌，佢好支持，二話不說，立即拍咗條呼籲片畀我，希望幫手提高大家防疫意識，減少大家的恐懼。我在此衷心多謝佢，以及所有幫過手的朋友。”

談及母親抗病經歷，Alan坦言要靠意志：“我媽咪雖然六十五歲，但佢拒絕試藥，因為擔心有副作用。抗病期間當然係辛苦，因為會好攰，又會反覆發燒，但其實只要好好咁休息，增強免疫力，最後都係會康復，我媽咪大概三星期左右就好返。”

Alan透露除了病痛折磨，心理壓力亦令全家人十分難熬：“首先我媽咪的感染含菌量較低，所以住院期間會擔心同房人的病情，對方只要一咳，就會擔心影響到自己。另外亦好擔心自己會影響到無染疫的親友，變相好驚同人接觸。”談到後遺症，Alan直指母親喘氣情況較前嚴重，而且對衛生等問題亦較染病前緊張：“大家團結同互相支持真係好重要，我自己更會禱告尋求平安、心靈健康，身體都會多啲力量去打仗。”