王梓軒趁隔離期完成錄歌

滯留在美國洛杉磯八個月的香港歌手王梓軒，經過重重測試後，日前終於順利平安返到香港。他表示：“那邊疫情比香港嚴重好多，所以都要適應一下新生活模式、新工作方式啦！”由於很多朋友好奇他從美國準備上機到返港隔離的過程，故此他拍了紀錄短片與大家一一分享。

王梓軒表示未出發前已聽過唔少朋友返港路途中的遭遇，所以已經心裡有數，早早做好深喉唾液測試、穿上3M防疫衣到機場，加埋口罩及面罩，防疫措施做到足。梓軒話：“當地機場比較冷清，我搭的飛機只得三十幾人，前後左右都冇乜人。上機後乜都噴乜都抹晒先坐低，其實都好安全。十二個鐘頭機，我睇咗兩套電影、食咗少少乾糧，其餘時間都在瞓。”

到達後，梓軒便乘車到酒店開始十四天的強制性隔離。他表示沒有白過隔離期：“我唔可以離開間房，外面設施唔用得，基本上真係留在房間睇電視。呢大半年在美國一路有進行劇本同音樂製作，習慣咗開好多視像會議，甚至乎在屋企做Gym。有首歌我一直都唔得閒錄，所以就趁隔離時候錄埋，因為我亦隨身準備錄音五寶，加埋酒店浴袍做隔音設備。”