薛家燕大講湊孫經

薛家燕昨日出席廚具品牌代言活動，上月榮升嫲嫲的家燕姐一身紅衣現身，並即場示範廚藝；現場亦有福袋派送，吸引不少街坊索取。

家燕姐透露乖孫已改名石汶栩：“個樣好似佢老竇，出世一個月已重十幾磅。”問乖孫是否已“斟茶”給她？家燕姐笑說：“一早斟茶畀我啦，冇防避到，依家每次幫佢換片都要即刻遮住。”家燕姐說前日剛好孫仔滿月，因疫情關係，一家人在屋企簡單食飯慶祝，新抱準備了豬腳薑、燒肉、紅雞蛋。家燕姐說：“我個仔上星期過第一個父親節，我又第一次做嫲嫲，心情相當興奮，我哋成餐飯都係講BB。（是否爭住抱孫？）孫仔開始認得人，好得意！我成餐飯都抱住個孫。”

家燕姐被問會否希望兒子和新抱盡快追多個？她指新抱仍在坐月中：“餵母乳已經好辛苦，讓她先休息一下，唔想給他們壓力。當然，生多幾個孫會更開心。”問到會否為孫仔設立教育基金？家燕姐說：“唔使咁急，兒子及新抱會安排。”