高海寧獲讚演得夠麻甩

林夏薇、高海寧（高Ling）、江嘉敏、陳曉華、鄭子誠及戴耀明等昨日出席劇集《七公主》宣傳。高Ling在劇中有多個不同造型，昨日她就以美少女戰士造型現身，她笑言小時候就睇《美少女戰士》，這個造型好襯她在劇中的角色，亦令她最難忘：“因為當日我穿上呢套衫在街上拍外景，惹來不少途人目光。”

高Ling預告在最後一場戲會以全透視裝登場，只穿肉色底衫打底，十分大膽。她笑說：“條裙好靚、好貼身，顯得我屁股好屹。”高Ling又指劇集播出後，很多朋友讚佢演得夠麻甩：“因為大家認識的我比較斯文，今次受角色影響，我都覺得自己比以前粗魯。”問到可擔心嚇怕追求者？她說：“監製話我劇中有咁多角色扮演，到時啲男仔就會湧埋來。”

薇薇昨日少有地以性感打扮現身，大騷事業線。她解釋是為配合近日劇情宣傳，並預告她的全裸戲將會播出：“今次係我入行以來，身心最大突破的一場戲。當初攞到劇本時最擔心就係呢場戲，因為講我要唔着衫全裸，同徐榮在廳中有動作戲同情感戲。當時好驚走光，但又要兼顧及情緒起伏，好彩好順利完成。”薇薇指這場戲並非賣弄色情，而是帶出她和徐榮互相依靠的感覺。