謝賢相約拉姑捧霆鋒場

謝霆鋒有份主演的電影《怒火》前晚舉行首映禮，雖然霆鋒因不在港未能出席，但其父母謝賢和狄波拉就一齊捧場。

前晚的新片首映禮，“四哥”謝賢與前妻狄波拉手拖手進場，四哥在佈景板前不停想搵個好位置簽名，最後選在“謝霆鋒”三個字下面簽名。但由於簽名位高出一級台階，拉姑怕四哥轉身時會踏空，一直細心照顧及提醒他；拍照時更為四哥脫下口罩，兩人於霆鋒的頭像下豎起拇指合照。

四哥表示係自己特別相約拉姑來捧兒子場。問他有否叫霆鋒拍動作片時錫身啲？拉姑說：“有呀、有呀！”四哥則笑說：“唔使錫身啦，真口架，他得口架啦，他鍾意這行！”問他有沒有見過孫仔？四哥笑謂：“我唔記得喇喎，都係見過一兩次，我驚啲孫見到我都記唔起我！”眾人笑指孫仔一定會記得這麼有型的爺爺，四哥笑答：“爺爺喎，在街上見到，點知邊個係爺爺？”