陳美齡紀念騷舊歌新唱

陳美齡(Agnes)將於九月舉行入行五十周年演唱會，日前她接受主播許文軒訪問，暢談入行及開演唱會感受。

談到入行五十年來的難忘事，Agnes說：“記得第一次在日本出騷，當時覺得自己是新人，冇人識；但一出場，全場就好大聲尖叫，我完全聽唔到音樂，好驚跟不上拍子。每次出騷亦如是，慢慢我就習慣了。我的歌迷朋友亦好鍾意拋彩帶上台，寓意我同他們連成一線、好似拖住手。但其實拋嘢上台好危險，我試過被劃親手、又試過掟到眼角，成個隱形眼鏡飛掉，最後都搵唔返。”

談及九月的演唱會，Agnes表示有好多廣東歌錄音之後就去了日本發展，根本沒有在樂迷面前唱過：“今次好多歌都係第一次唱，又或者三十幾年冇唱過，所以要練習！歌詞方面都要再記一下，不過一打開個掣，全部返晒來！當然有些真係開唔到掣，可能真係太少機會唱。今次會用一個感恩之心，同大家回顧我美麗人生，唱多些好歌畀大家聽！”