關心妍分享夫妻相處之道

關心妍、孫慧雪及張美妮在最新一集《靚媽圍爐》中大爆老公常犯的錯。講到老公婚後不浪漫，三人異口同聲表示的確是會變懶，婚後愈來愈“是是但但”。

張美妮笑稱自己是Staycation始祖：“因為婚前已與老公同居，所以一吵架就無處可逃，唯有住酒店休息一下，等大家冷靜下來，最長試過離家三日。不過現在有個女，離家出走這支歌已經不能唱，因為捨不得丟下女兒不顧。”

關心妍就謂自己未試過離家出走，笑言女人有情緒，男人也會出現“月經前緊張”：“有人話男人的‘月經前緊張’，就係情緒易波動，凡事緊張、易疲倦、易肚餓，又要食甜品，我老公都幾乎中晒！之前他太緊張，我會鬧爆，不過現在試得多，會慢慢知道要調解、要叫他冷靜。我始終覺得，老公係陪你走一生一世的人，仔女長大了會有他們的人生，所以不能因為生了仔女，就冷落老公。奉勸大家，要記得兩公婆一定要有返啲二人世界，夫妻關係好，仔女都會學識愛。”

孫慧雪直言與老公同屬火爆之人，一言不合即離家出走：“試過生BB後有次因小事吵架，我習慣性地氣衝衝離家，落到樓下才醒覺自己已是媽媽，不能再衝動。那一刻我諗，死啦！兩個鐘後我又谷奶、又要餵BB ，都係上返去執東西，但帶埋BB走，但單係BB用品已經多到冇可能搬得郁。”終於雪雪都係打電話給老公，叫他落樓哄返她。