陳婉婷打風濕身拍廣告

陳婉婷 (Hebe) 日前與香珮汶、Lina及小豆為直播平台Uplive拍攝廣告。拍攝當天，天文台掛起風球，加上連場大雨，過程相當狠狽。

被雨水淋得由頭濕到落腳的Hebe，苦中作樂，笑言自己充滿“出水芙蓉”的美感。之後她補充說：“其實大會都有召車接我，但行去上車時被淋到濕晒，攝一攝冷氣即刻頭痛！去到現場攝影師都話我好似‘癲婆’，由內到外都濕到滴出水，濕身影相真係好辛苦，好在大家都夠專業好快收工。”

Hebe表示：“其實我一早已習慣打風開工，以前試過拍廠景由掛風球到落波都未拍晒，今次廣告期都好趕，如果押後都唔知幾時可以集齊咁多人再拍，所以都要開工！加上近來我忙緊電影同電視劇，係開心嘅忙碌，所以唔想浪費呢一日檔期。”