張繼聰跑半馬獲細女打氣

張繼聰昨日首度挑戰落場跑香港馬拉松，以染了一頭白髮的新造型落場，結果為他帶來好成績，以一小時三十三分廿九秒完成半馬賽事。

衝線一刻，張繼聰興奮得高舉Rock & Roll手勢，笑說非常滿意成績。他說：“以我四十一歲的年紀才開始跑，又係業餘愛好者，跑出呢個成績，並成功達到教練要求的一百分鐘內完賽，已經有所交代，好開心！”阿聰指今後會繼續練跑：“明白到為何有人說跑步會上癮，因為能令健康和心理質素都變好。”

阿聰表示為了應戰，前晚只睡了數小時、凌晨四時就要出門口，太太謝安琪和一對仔女都未起身。他又特意騷出塗上甲油的左手，自爆細女張靖前一日為他塗甲油，並叫他跑到攰時可望吓隻左手。原本他要細女把右手也塗上，但細女拒絕，指唔想老竇咁辛苦。阿聰甜爆地說：“冇計！真係畀細女治到！”