陳毅燊生日選擇行善

陳毅燊 (Ansonbean) 昨日度過廿一歲生日，這亦是他入行後首個生日，他選擇在這個特別的日子到“願望成真基金”的慈善義賣攤位當一日店長，身體力行籌款幫助重症病童實現夢想。

義賣當日，一班“豆粉”得知偶像的善心後，也趁有空到場支持。除了踴躍購買義賣物品，他們更準備了生日蛋糕與小心意送給Ansonbean，度過了充滿愛與別具意義的一天。

Ansonbean透露過往的生日過得很平凡，當中更有不愉快的經歷，所以今年特別期望過一個有意義的廿一歲生日。他說：“對我來講，生日其實係一個好糟糕的日子。因為我以往的生日都有唔愉快經歷，之前好期待生日一定會好開心，但其實未必係咁。記得十八歲生日那年，在英國與好朋友爭執，最後仲令到大家冇朋友做，呢個經歷真係好深刻。正因為咁，今年生日都係平常心，但我好想做少少嘢幫吓人，見到大家支持，好開心呀！真係興奮又刺激！”

Ansonbean表示目前會專注演戲工作：“生日後就接拍一部電影，演一個比較多戲份的角色。要投入去做，對我來講係一個好好的挑戰，希望挑戰成功！入行後都好忙，生日當然會同屋企人食飯慶祝，入行後有能力，都希望趁住生日請家人食大餐！”