曾志偉准炎明熹亮相ViuTV

無線青春新劇《青春本我》前晚設慰勞宴，總經理曾志偉百忙中抽空“快閃”亮相，他表示主要來支持和鼓勵一班有份演出的新人。問到之後有否安排工作給《聲夢》學員？他直言：“有！唔好畀熱情熄火！唔好同港姐一樣，選完就變落選、過氣，要爭取機會吸收經驗、上位，因為好快又有第二屆《聲夢》。”

叱咤頒獎禮將於明年元旦日由ViuTV直播，《聲夢》冠軍炎明熹(Gigi)是女新人獎冠軍的大熱，若然Gigi出席頒獎禮，便成了首位亮相ViuTV的無線藝人。志偉前晚被問及此事時大方表示：“呢件事係類似無線有藝人拍電影，然後亮相金像獎，又係由ViuTV轉播。其實可以上ViuTV，唔能夠因為轉播而唔去，一件事還一件事，攞獎係件開心事。（睇好Gigi攞獎？）梗係睇好啦！對新人來講係個鼓勵。”

炎明熹前日中午出席活動時，因身體不適而腳軟倒地，更即場爆喊。志偉聞到記者轉述後極為驚訝，一臉擔憂地說：“咁真係要休息，一路都同佢哋講，今年轉變真係好大，由冇人識到依家成條街個個都識；要返學同時又有好多嘢拍，始終都係小朋友，係辛苦呀，同佢哋講要盡量休息。（私下安慰佢？畀多啲時間佢休息？）都會！我會返公司先了解一下成件事。”