任賢齊被爆膠樽頭痛

任賢齊在馮志強執導電影《失衡凶間》的單元《唐樓》中，飾演過氣江湖大人物，其中一場戲半夜與吳海昕、陳湛文和車保羅偷運屍體，途中遇到滿身酒氣的張松枝搞事，更發酒癲向小齊爆樽。雖然是道具糖膠，但張松枝被碎片割損手掌，小齊表示頭有少少痛，工作人員替他們用膠紙黐走頭皮和臉上微小碎片。

戲中飾演傳說中江湖猛人的小齊，以往拍過不少動作場面，但這場爆樽戲，幕後工作人員依然嚴陣以待。小齊說：“雖然個酒樽係糖膠做，但頭都有少少痛。而且碎片都有啲鋒利，所以爆完頭，工作人員要用牛皮膠紙，幫我黐走身上嘅碎片。千祈唔好用手撥，我頭先差啲用手撥，畀工作人員阻止，因為好易割傷皮膚。”被爆頭的小齊沒有受傷，但揮樽的張松枝卻弄傷了手掌，由工作人員幫他消毒傷口。連續幾晚要拍通宵戲，但熱愛運動的小齊仍堅持跑步健身：“我拍通宵戲，習慣返屋企瞓一陣先，然後出去跑步，然後返屋企瞓多陣再去開工。”