洪卓立多謝女友帶挈搵銀

劉沛蘅(Hillary)跟洪卓立(Ken)今年三月公開戀情後頻頻高調曬愛，情侶檔更大受廣告客戶歡迎，繼早前獲邀拍攝米線專門店廣告後，最近兩人獲頭髮護理品牌邀請拍攝廣告。日前二人到影樓開工，為營造出情侶間的溫馨甜密畫面，影樓佈置成家居環境，他們分別穿上米白色的家居服，更公然打情罵俏，二人不時互相提點、替對方整理衣衫、又會逗弄對方，非常甜蜜。

今次再度以情侶檔姿態出現，Ken謙稱獲女友帶挈拍廣告搵真銀十分開心：“平時比較少接拍呢類型嘅工作，今次算係被Hillary帶挈，哈哈！以呢個狀態接工作我梗係高興、要去還神啦！希望嚟緊都可以呢個形式工作，係開心嘅，可以一齊準備、一齊出門口、一齊收工返屋企，呢個感覺幾好嘅！好似好肉麻咁，唏！”不過Ken希望盡量避免女友跟其他男生親熱：“我哋可以唱歌口架！Hillary有學唱歌，又學跳舞又學做戲，希望呢幾個範疇都有機會，跳舞係我強項，但係極具娛樂性嘅強項，係唔會亂咁攞出嚟。”