冰凍零食傷脾胃

孩童消暑飲食守則

放暑假之後，小朋友每日待在室內吹冷氣，外出遊玩又遇上高溫酷暑，凍雪糕、冰涼汽水、雪條、凍水果成為小朋友消暑首選。不少家長覺得天氣炎熱，凍食可以解暑，縱容孩子大量進食冰品。要留意孩童脾胃尚未發育完善，再加上三伏天反覆吃冰，很容易損傷脾胃陽氣，後續出現胃口差、反覆腹瀉、夜睡磨牙、反覆鼻敏感等問題。

小朋友的脾胃機能遠不如成年人穩定，長期攝入冰涼食物，會令胃部黏膜血管驟然收縮，消化液分泌大幅減少。可能會出現：

一、食慾大減：冰氣困住脾胃，孩子開飯時沒有胃口，挑食偏食，正餐吃得少，只願意吃零食。

二、腸胃不適：冷凍刺激腸道蠕動紊亂，容易出現腹痛、大便稀爛、一日多次排便。

三、體質變弱：脾胃運化能力下降，水濕無法排出，孩子容易反覆感冒、過敏，長時間長不高、體重增長緩慢。

市面上雪糕、雪條、凍飲除了溫度過低，還含有大量添加糖、反式脂肪、人工香精，過量糖分會加重發炎反應，進一步影響孩子免疫力。今次分享一款低糖高纖芭菲杯，不用焗爐、零煙火，小朋友同控糖人士都可以放心享用。

兩人份櫻花抹茶士多啤梨芭菲食材：

底層櫻花粉莓果慕斯、樂纖營養代餐（什莓味）半包、新鮮士多啤梨適量（一部分切細粒、一部分切半備用）、奇亞籽二十克、無糖杏仁奶一百二十毫升、上層乳酪同裝飾、無添加糖希臘乳酪五十克、少量純抹茶粉、適量的剩餘士多啤梨半粒。

做法（四步驟完成，冷藏隔夜就食得）：

一、調製基底漿液，碗內倒入無糖杏仁奶同半包什莓代餐粉，充分攪拌至完全均勻，無粉粒殘留。

二、加入奇亞籽同莓果，放入切細的士多啤梨粒同奇亞籽，再次拌勻。靜置五分鐘，再攪多一次避免奇亞籽結塊，蓋好保鮮蓋，放入雪櫃冷藏過夜，等奇亞籽吸滿水分自然凝固成慕斯質感。

三、分層裝杯，揀選芭菲杯或者搖搖杯，將雪櫃入面凝固好的粉紅色莓果慕斯倒落杯底，鋪平之後，均勻擺上無糖希臘乳酪。

四、最後裝飾完成，用篩子輕輕撒上一層純抹茶粉，擺放切半的士多啤梨，一杯清爽養生凍甜品就大功告成。

貼士：

一、整款甜品全程無額外加糖，代餐本身已經控制好碳水，希臘乳酪高蛋白、飽腹感強，完全不會好似傳統甜品那麼容易升血糖。

二、奇亞籽豐富膳食纖維，可以促進腸道蠕動，三伏天濕氣重，高纖食材可以幫助改善腸胃滯脹。

三、新鮮士多啤梨補充花青素同維他命C，消暑之餘還可以抗氧化，減少夏日曬後膚色暗沉。

李慧妍

WeChat:Sofia57382162