疫組迭爆得人驚

好嘅唔靈醜嘅靈

全民核檢係必經

通關首務要清零

真係好嘅唔靈醜嘅靈，上期拙欄才說要想廣東省開返關，最好一個禮拜內再做兩次全民核檢（三日一次），最少要做多一次。不然你冇辦法讓人哋放心開關。話口未完，翌日即又爆出“裝修群組”，本來要通關的決定又緊急撤回，並馬上啟動新一輪全民核檢。

與議員朋友談起，他也有同感。說實在的，做完第二輪全民核檢，接着做第三輪是最好的。八月的“家庭群組”和九月“保安群組”都曾在社區活動，八月疫情只做一輪全民核檢就收兵純粹好彩。澳門官員應該看看，之前廣州、南京、揚州，最近莆田、廈門人哋係點做的，邊個地方唔係做好幾輪全民核檢才清零？澳門九月疫情做了一輪全民核檢又想通關，幸好人哋先是以航展、後由省衛健委出面連擋兩次，不然外僱裝修工返回斗門才爆疫，珠海方面食死貓事小，造成病毒輸入內地這罪名事大。

現在有關部門說珠澳寬關循多個因素評估，不一定要十四日沒有新增確診。這不過是安慰人的說話。從隔斷病毒傳播角度來看，起碼都要等最新一個病例（第七十五例）兩個禮拜，再無新發確診，才勉強算清零，才有得同人哋傾通關。不然就不能真正讓人哋放心。

只是這一來，除了原本就無奈在街頭風餐露宿的外僱，又新增約千名有家歸不得的跨境學童。幸教青局聯同各校安排五百多未有住處的學生及家長入住青年旅舍及學院宿舍，為他們解決生活、學習所需。

鍾秋生